نظام بضاعة لتجار المفرد والجملة

بنفس رأس مالك، اربح أكثر.برنامج مخزن يخليك تعرف بأي بضاعة تخلي فلوسك.

برنامج مخزن يوضح الك رأس مالك بالبضاعة، وشكد راح تربح منها، ووين كاسدة، بكل فروعك. حتى تشتري اللي يربحك، وتلگى حل للكاسد.

نساعدك تدخل بضاعتك، وتفتحه من الموبايل بلا تنصيب.

أي نظام يگلك شكد عندك بضاعة.برنامج مخزن يگلك شنو الخطوة الجاية.

شنو تشتري وشكد تحتاج؟ وين لازم تخزن بضاعتك؟ شلون تجهّز طلبات زباينك أسرع؟

تشتري اللي يربحك

تشوف شنو أكثر شي ينباع، وشكد تربح بكل قطعة، ووين فلوسك كاسدة بالبضاعة.

تبيع أكثر

برنامج مخزن ينبهك قبل لا تخلص البضاعة بأي فرع، على الكمية اللي تحددها، حتى تلحگ تنقلها من فرع ثاني أو تطلبها من المورد.

تجهّز الطلب أسرع

تشوف الكمية بكل فرع بنفس اللحظة، وتختار منين تجهّز بدون ما تتصل بأحد.

كل فلوسك بالبضاعة، بالأرقام.

برنامج مخزن يحسبها وحده من بضاعتك وبيعك، بكل فرع، وتتحدث كل ما تبيع أو تشتري.

رأس المال المستثمر بالبضاعة
3,915,000د.ع
شكد دافع على البضاعة اللي عندك هسة.
قيمة البضاعة بسعر البيع
6,675,000د.ع
شكد تجيبلك البضاعة إذا انباعت كلها.
الربح المحتمل
2,760,000د.ع
شكد راح تربح منها لما تنباع.
ربحية كل منتج
33,000د.ع
أعلى ربح بالقطعة: ⁨جاكيت جلد أسود L⁩
تعرف مساهمة كل منتج بالأرباح.
سرعة البيع
46قطعة بالشهر
قميص كتان أبيض M
تعرف سرعة البيع مال كل منتج.
البضاعة الكاسدة
696,000د.ع
18% من رأس المال
تعرف وين فلوسك واكفة، حتى تشوف الها حل.

الأرقام من محل ملابس تجريبي.

اعرف أي بضاعة تربحك وأي بضاعة تجمد فلوسك، قبل ما تشتري مرة ثانية.

يمكن عندك منتجات تنباع باستمرار وتربحك، ومنتجات ثانية تبقى بالمخزن وما تتحرك.

ويا برنامج مخزن، تشوف شنو أكثر بضاعة انباعت بكل فرع، وشكد تربح بكل قطعة، ووين فلوسك مجمّدة بالمخزن. والبضاعة اللي تعدّي الحد اللي تحدده بدون بيع تنعلّم كاسدة. حتى تعرف شنو تشتري من جديد، وشنو توكف.
«هسة وية مخزن گدرت انظم المحل اكثر واعرف بالضبط شنو اللي انباع وشنو اللي ما انباع من البضاعة، وهذا يخليني اعرف الوقت المناسب اللي اتسوگ بي من جديد»
أميرات فاشن، المنصور
ابدي شهرك المجاني
الأكثر مبيعاًانباع بالشهرربح القطعة، د.ع
قميص كتان أبيض M4611,000
جينز أزرق 323816,000
حذاء رياضي 423118,000
معطف صوف رمادي XL12 قطعة بالمخزنكاسدة696,000مجمّدة

خلّي البضاعة موزّعة صح بين فروعك، حتى كل فرع تكون عنده الكمية اللي يحتاجها

مو كل مرة ما تلگه البضاعة يعني هي مخلصة. يمكن موجودة بفرع ثاني، أو تحتاج تشتري منها قبل لا تخلص بفترة.

ويا برنامج مخزن، تشوف شكد عندك كمية من كل بضاعة بكل فرع، ويجيك تنبيه قبل لا تخلص البضاعة. وإذا فرع يحتاج بضاعة، تكدر تنقلها من فرع ثاني، وتتابع طلب النقل لحد ما يوصل للفرع اليحتاجه.
جينز أزرق 32المخزون حسب المكان
الكرادة14
المنصور1
أربيل6
⁨جينز أزرق 32⁩ بقى منه 1 بـالمنصور، والكرادة عنده 14.

جهّز طلب الزبون أسرع.

من يسوي الزبون اوردر، آخر شي تحتاجه هو انو تتصل بالفروع وتسأل وين موجود، أو تتأخر بتجهيز الطلب لأن ما تعرف اذا عندك البضاعة لو لا.

ويا برنامج مخزن، تعرف وين موجودة بضاعتك وشكد الكمية المتوفرة بكل فرع بنفس اللحظة. تحدد منين تجهّز الطلب، وتختصر وقت البحث والتنسيق بين الفروع.
طلب كاروان أحمد
قميص كتان أبيض M× 20
الكرادة24 جهّز من هنا
المنصور18ما تكفي
أربيل11ما تكفي

شوف برنامج مخزن من جوّه

لوحة التحكم ببرنامج مخزن: فلوسك بالبضاعة، اللي تشتغل واللي كاسدة

جرب برنامج مخزن بتجارة مثل تجارتك

اختار نوع شغلك، ونفتحلك محل تجريبي جاهز ببضاعته ومحلاته وبيعاته. تتصفحه وتجرّب كلشي بنفسك، بدون تسجيل.

بـ50,000 د.ع بالشهر:

  • فلوس مستثمرة صح
  • بضاعة متوفرة
  • زباين راضية

سعرك حسب عدد المحلات وأماكن التخزين عندك.

أول محل بـ50,000 د.ع بالشهر وياه مكان تخزين ببلاش، وكل محل بعده بـ40,000، وكل مكان تخزين إضافي بـ15,000.

شنو محل؟
فرع تخزن بيه وتبيع منه.
شنو مكان تخزين؟
مخزن، جملون، البيت، أو أي مكان تخزن بيه بضاعة. بس يخزن، وتنقل منه البضاعة للمحل حتى تنباع.
احسب سعرك
المحلاتتخزن بيه وتبيع منه للزبائن1
أماكن التخزينأول مكان ببلاش ويا أول محل1
أول محل50,000 د.ع
مكان تخزين ويا أول محلببلاش
المجموع الشهري50,000 د.ع / شهر
أول شهر ببلاش بالكامل.
ابدي شهرك المجاني

تگدر تغيّر خطتك أي وقت: تزيد محل أو مكان تخزين، أو تحوّل بين الشهري والسنوي.

أسئلة قبل ما تبدي

إي، إذا عندك بضاعة تخزنها وتبيعها، مفرد أو جملة: أجهزة طبية، مستلزمات أسنان، مواد غذائية جملة، كوزمتك، أثاث، قطع غيار وأدوات احتياطية، ملابس وأحذية، مستلزمات مدرسية وقرطاسية، جكاير ونراكيل ومستلزمات تدخين، وموبايلات وإلكترونيات.

قريباً

متجر إلكتروني لشغلك

متجرك الإلكتروني جاي على برنامج مخزن، وبيه خيارات حسب نوع شغلك.

اختار نوع شغلك
دوّر على منتج
اطلب من أزياء مخزن أونلاينويوصلك لباب البيت
الكلالأكثر طلباًجديد

حچينا ويا تجار، وكلهم گالولنا نفس الشي:

  • «شنو البضاعة اللي أستثمر بيها رأس مالي؟ وشنو اللي لازم أقلل من شرائها أو أصرفها؟»
  • «وين أخزّن البضاعة حتى تبقى متوفرة بكل فرع، وما أضطر أگول للزبون: خلصانة؟»
  • «شلون أختصر وقت تجهيز الطلبات حتى توصل لشركة التوصيل بأسرع وقت؟»

هاي القرارات تتكرر كل يوم، وأي قرار غلط يضيّع فلوس أو زباين.

ومن هنا إجت فكرة برنامج مخزن.

نظام بضاعة يوضحلك شنو دا يصير ببضاعتك، حتى تقرر أحسن شنو تشتري، وشوكت، ووين تخزّنه، حسب حركة البضاعة وطلب زباينك.

بنيناه حتى نساعدهم، ونساعد كل تاجر يواجه نفس التحديات.

محمد عبدالعزيز، مؤسس مخزن

شغّل محلك على برنامج مخزن، وأول شهر علينا.

نساعدك تدخل بضاعتك، وخلال أسبوع تكون شغّال.

ابدي شهرك المجاني